Sortimänt

» Sortimänt
 
sueche:
 
för Bébé, Chind und Erwachseni




sälbergstalter





 

Liebesbriefli

Jetzt de Newsletter abonniere >>

Mehr dazu

sternefoeifi mundartchleidli
HeimatOnline BoutiqueLädelimitmacheallerleiGästebuchSternekita

s'Sterneföifi Märli

Es isch emol es chlises stärnli gsi, das esch uf de ganze Wält umenandzoge. Es esch einisch da und einisch dört gsi und es het ganz viel fröid gha. Überall hets nämlich vieli frönde gmacht und die hend ihm immer öppis gschänkt wenn's wieder wiiter gange isch. Doch eines Tages het s'chline Stärnli wieder Hei i d'Schwiiz müesse. Es esch z'erscht chli truurig gsi, denn es het angst gha dass es dehei nömme so viel Spass het. Doch alles esch anderscht cho, denn

Wo s Sternli nämmli so ganz allei- es bizli truurig ufem Weg zrugg hai gsi isch– un so vor sich hii gschtudiärt het, wases dahai echt erwartet ischem plötzlich e idee cho. Es het sich gsait; wenn i scho zrugg id Schwiz gang denn söllen alli andere Sterne, woni bsuächt ha de Weg id Schwiz au findä chönnä! Es het grüblet, wiä dasses echt das chönnt astellä….un plötzlich ischem DIÄ Idee cho;
Es het denkt; "wenn i mit mimm goldige Sternästaub de Weg bis zrugg id Schwiz streuä, denn finden mi sicher alli andere Sternä irgendwenn au!
Un s Sternli fang ah streuä…es streut und streut un streut… …..
Scho chas vo wittem di chlii Schwiz gseh….wiä schö sie nu isch hütt Obet, denkt s Sternli...
Wos so in Gedanke versunkä uf d Schwiz abä luägt gmerkts, dass überall, i jedem Huus Cherzli brennen un Chinderaugä lüchten. S Sternli wird gwundrig un goht chli nöcher anä….es luägt durnä chlises Fenschterli un gseht, wiä es Meitli gad sini neu Puppä in Arm nimmt.
- s isch Wiänacht- gmerkt s Sternli un wird chli trurig….
Es stoht es wiili do…so ganz allei un verlasse…un lüchtet vor sich hii, wos plötzlich en riiiiesigä Schii vo witem geht…..es luägt uf un gsiät öpis, wonem fascht de Schnuuf nimmt…..sicher 1000 lüchtend helli Sternä sind uf s chlii Sternli zuächo…un wos immer nöcher chömmen gseht s Sternli, dasses alli sini Fründä sind, wos uf sinnere grosse Reis kenneglernt het….Wiä äs Wunder…. Si chömmen nöcher un rüäfen am chlinä Sternli zuä, "Hey, chliises Sternli mir wüschet dir alli schöni Wiächnachtä!"
S Sternli cha siis Glück no gar nöd richtig fassä….es chas nöd glaube, dass ihm alli Fründä gfolgt sind….genau a demm wunderbar schönä Obet…ade Wiänacht….
So het s chlii Sternli mit all sinä Fründä chönnä Wiänacht fiirä uni sch überglücklich gsi. (Monika Vetsch)

wos sternli wider i sis eigete bettli gläge isch, heds noni gwösst dass abem nöchste tag sis läbe en grossi wändi wird neh! am nöchste obig (sternli schlofed jo am tag), no ganz verschlofe, hed sternli sini 5 zagge gstreckt und isch go dusche. es hed sich vorgno höt wider mol öberem bäregrabe zlüüchte, wenns scho wider mol ide schwiiz isch. so isch es denn wos scho ganz dunkel gsi isch richtig bern gfloge. nach öppe 3 stond chräftigem lüüchte isch plötzli en vil grössere und ältere stern ufs chline sternli zuecho. zersch heds chli angst gha, will es isch suscht ganz elei im dunkle himmel gsi. de grossi stern isch immer nöcher cho und mit de ziit hed sternli gseh, dases en mannestern isch mit ere runde brölle. er hed ned bös usgseh, drum hed schline sternli wider echli meh afo lüchte, sodass de grossi stern schline sternli chan gseh. de grossi stern hed sini brölle zrächtgröckt und hed gseit: "ich bin uf de suechi nachem schönste stern för sternefoifi." schline sternli isch öberhaupt ned drus cho und hed dstirne grunzlet. "ich bin scho di ganzi adventsziit underwägs und sueche" hed de grossi stern gseit, "ich glaube jez han ich en gfunde". schline sternli hed ihn immer no verständnislos agluegt. "du muesch gar ned vill wösse, chom eifach mit mer mit, i säg ders, du wirsch berüemt werde!" er hed sternli a eim vo sine 5 zagge gno und isch mit ihm ide dunkelheit verschwunde. das isch för schline sternli de afang gsi vonere unglaubliche ziit! es hed vill müese chrampfe, trainiere und sogar echli abneh, aber schlussendlich isch isch de grossi momänt do gsi und de chli stern hed sin erste grosse uftritt gha- uf de homepage vo sternefoifi. mer chas gseh im lingge obere egge. das sig scho immer en traum gsi, hed sternli gseit, und mer müend doch säge, es macht sin doch job wörkli guet! (Mirjam Blunschi)


jo, es macht sin Job wirklich mega guet,. Doch eines Nachtes ghört schline Stärnli luuti Musig, hä isch das lustigi Musig, denkt sich schline Stärnli. und macht sich uf dä Weg zum go luege wo die music her chunt. Es flügt durch Dluft und chunt zumene Park. do gsets das Lüt do sind, wo verkleidet sind und ganz luut Trompete spiled! Das weti au mol usprbiere, denkt schline Stärnli. und flügt wider hei. Idä nöchste Nacht tuet sich schline Stärnli genau so verkleide wie die Guggemusikante i däm Park vo letscht Nacht. Es flügt wider det hi und gseht wie die Lüüt wider döt spiled, so goht schline Stärnli echli nöcher und sitzt eifach uf sone Trompete ufe, so dass dä Maa, vo uf dere Trompete gspilt het, kein ton me use brocht het. Und denn het schline Stärnli gfroget, obs au mol dörf schpile. und do hets so guet chöne spile, dass vo ez a, jedi Nacht het dörfe cho und mit dene Lüüt dörfe üebe!! Das het schline Stärnli natürlich mega gfreut, und es het sich immer nochli me verkleidet und gschminkt als idä Vorhergehende Nacht... (Jacqueline Gschwend)

S Stärnli isch denn uf Luzern gange. Zersch ischs über d Kappelbrugg gfloge und de ischs am Ufer vo de Reuss gschtande und hed is Wasser gluegt. Uf einisch heds hinder sich öpis ghört. Es hed sich umdreit und da heds ganz viel farbigi Gschtalte gseh. "Was isch das?" Hed sich s Stärnli gfragt und hed sich schnell hindereme Stei versteckt. Die Gstalte sind plötzlich überall gsi und hend luti Musik gspielt. Die Musik hed em Stärnli würklich guet gfalle und es hed wider hinderem Stei füre güxlet. Wases da gseh hed, heds fascht nüd chönne glaube: Pauke, Trommle, Trompete und ganz viel Instrument, wos Stärnli gar nüd kennt hed sind a ihm verbi gloffe. S Stärni isch usem Stune nümm usecho. Da isch es chlises Meiteli uf de Stei gsässe, wos Stärnli sich dehinder versteckt gha hed. S Stärnli hed gseh, dass es brüeled hed. "Warum brüelisch du, chlises Meiteli?" Heds gfragt. "Ich ha keis Fasnachtsgwändli und ich würd doch so gärn au a de Umzug gah" hets Meiteli gseit. Da heds Stärnli en Idee gha: "Chum, ich zaubere dier es Himmelsgwändli us Sternestaub, de du als Ängeli ad Fasnacht gah. Und ich tue dier lüchte, und chume als di Begleiter mit. So hesch du s schönschte Gwändli vo de ganze Stadt." Und scho heds Stärnli zauberet und da ischs Meiteli miteme wunderschöne Ängelsgwändli vor ihm gstande. S Stärnli isch em Meiteli id Haar gsässe und hed ihm glüchtet. S Meiteli hed glachet und isch am Umzug nachegrännt. So heds Stärnli zäme mitem Meiteli chönne ad Fasnacht und es hed ihm riesig gfalle. Alli Lüt hend gstuned, was für schöni Gwändli das Jahr a dem Umzug zeigt worde sind. Und wenns Meiteli mitem Stärnli verbi gloffen sind, hend alli Zueschauer klatsched. S Meiteli hed ganz roti Bagge übercho vor Freud. Überall wo die zwei duregloffe sind, hends en goldigi Spur hinderlah. Wenn mer guet luegt, cha mer sie no immer gseh, wenn mer dur d Altstatt vo Luzern lauft. Und wer eis goldigs Staubchörnli uflist... aber das isch es Gheimnis! (Denise Metzger)



Wägwiiser Kontakt  |  AGB

Sterneföifi AG, Eichstrasse 42, 6330 Cham, info@sterne5.ch Weblösig vo MySign
Gschtaltig vo Schnuppe